САЙЛОВЧИЛАР БИЛАН УЧРАШУВДА ТЎРТ НОМЗОД ҚАТНАШДИ

Пойтахтимизнинг Яшнобод туманидаги 10-сонли мусиқа ва санъат мактабида жойлашган 498-сайлов участкасида Олий Мажлис Қонунчилик палатаси депутатлигига мамлакатимиздаги мавжуд сиёсий партиялардан кўрсатилган беш номзоддан тўрт нафари билан сайловчилар учрашуви ўтказилди.

Жумладан, унда 143-Саноат сайлов округидан Олий Мажлис Қонунчилик палатаси депутатлигига Ўзбекистон “Адолат”  социал-демократик партиясидан кўрсатилган номзод Муаттархон Абдуллаева, “Миллий тикланиш” демократик партиясидан кўрсатилган номзод Муқаддас Ахмеджанова, Халқ демократик партиясидан кўрсатилган номзод Хуршид Қурбонов, Экологик партиядан кўрсатилган номзод Ольга Литвиновалар қатнашди.

Сайловчилар билан учрашувга номаълум сабабларга кўра, Тадбиркорлар ва ишбилармонлар ҳаракати — Ўзбекистон Либерал-демократик партиясидан кўрсатилган номзод Вячеслав Кан ташриф буюрмади.

Манба: www.yashnobodnews.uz