Аввал хабар қилганимиздек, пойтахтимизнинг Яшнобод туманидаги собиқ «Тошкент қоғози» АЖ ҳудудида Россия Федерацияси инвесторлари ҳамкорлигида янги корхона барпо этилмоқда.
Айни пайтда тўғридан-тўғри 12 миллион АҚШ доллари микдорида инвестициялар жалб қилиниб, шампан-ликер ишлаб чиқаришга мулжалланган «Premiym Uzbekistan” МЧЖ Россия-Ўзбекистон қўшма корхонасининг ишлаб чиқариш биноси қурилиши бошлаб юборилган. Мазкур йирик корхона 2020 йилнинг март ойида фойдаланишга топширилиши режалаштирилган.
Куни кеча Яшнобод туман ҳокими Хожиакбар Тиллашайхов ҳамда бошқа мутасаддилар инвесторлар ҳамроҳлигида корхонага ташриф буюриб, бунёдкорлик жараёни билан яқиндан танишдилар.
Корхона раҳбари Искандар Маҳмудовнинг таъкидлашича, ишларни жадаллаштириш ва инвестор учун қулай инфраструктура яратиш, яьни темирйул тармоғини тиклаш, электр энергияси билан узлуксиз таьминлаш ва бошқа долзарб масалаларни ҳал этишга киришилган.
Манба: www.yashnobodnews.uz