Ҳозирда футбол бўйича Ўзбекистон XVIII миллий чемпионати ПРО лигасида қатнашаётган “Яшнобод” жамоаси таркибини асосан маҳаллий ёшлар ташкил этади.
Куни кеча “Яшнобод” профессионал футбол клуби раҳбарияти номига Ўзбекистон футбол ассоциацияси бош котиби Сардор Раҳматуллаев имзоси билан хат келди. Унга мувофиқ, яшнободликларнинг ёш ва умидли ҳужумчиси Жўрабек Эргашев Отабек Ғуломхўжаев бош мураббийлик қилаётган Ўзбекистон (U-18) терма жамоаси ўқув-машғулот йиғинига таклиф этилган.
Энди ўн саккиз ёшли футболчимиз Жўрабек Эргашев (суратда 10-рақамда) Тошкентда 17 майга қадар давом этадиган терма жамоа йиғинида иштирок этади.
Манба: www.yashnobodnews.uz