Расмий муносабат

Ижтимоий тармоқда Яшнобод тумани, Мавлон Риёзий даҳасидаги “Parkent Village” турар жой комплексида яшовчи фуқароларнинг эътирозли мурожаати жойлаштирилди.

Унга кўра, улар яшаётган кўп қаватли уйга олиб борувчи йўл таъмирланишга муҳтожлиги маълум қилинган.

Аниқланишича, мазкур ҳудуддаги дўконлардан бирининг эгаси давлат идораларини огоҳлантирмасдан ҳеч қандай рухсатсиз ноқонуний тарзда қазиш ишларини олиб борган.

Масъул ташкилотлар томонидан воқеа ўрганилган ва дўкон эгасига йўлни таъмирлаш бўйича огоҳлантириш берилган.

Агар давлат органларининг бу талаби бажарилмаса, дўкон эгасига нисбатан қонунчиликда белгиланган тартибда чора кўрилади.