Халқ депутатлари Яшнобод туман Кенгашининг ўттиз еттинчи сессияси ўтказилди. Сессия кун тартибидан олтита масала ўрин олди.
Хисобот берувчилар туманда маълум бир соҳаларда амалга оширилган ишлар, ютуқ ва камчиликлар, ҳукумат томонидан қабул қилинган қарорларнинг ижроси, таълим тизимида кадрлар малакасини ошириш, коммунал соҳага янги технологияларни олиб кириш бўйича сўз юритдилар.
Сессияда Халқ депутатлари Яшнобод туман Кенгашининг 26-Жарқўрғон сайлов округида депутатлар сайловини ўтказиш тўғрисида 185/2-37-сон қарори билан таништирилди.
Унга кўра, Халқ депутатлари Яшнобод туман Кенгашининг 2021 йил
16 апрелдаги 174/2-35-сон қарори ҳамда Ўзбекистон Республикаси сайлов кодексининг 8 ва 93-моддасига асосан халқ депутатлари Яшнобод туман Кенгашининг бўшаб қолган 26-Жарқўрғон сайлов округларида депутатлар сайловини ўтказиш 2021 йил 20 июнь, якшанба кунига тайинланди.
Сессия кун тартибидан ўрин олган масалалар бўйича қарорлар қабул қилинди.