Пойтахтимизнинг Яшнобод туманидаги 1-сонли болалар ва ўсмирлар спорт мактабида туман хотин-қизлар қўмитаси ташаббуси билан спорт байрами ўтказилди.
Ўзбекистон Хотин-қизлар қўмитаси ва БМТ Аҳолишунослик жамғармасининг мамлакатимиздаги ваколатхонаси билан белгиланган режасига асосан “Аёлларга нисбатан зўравонликка қарши 16 кунлик фаол акция”си доирасида ўсмир ўғил-қизлар ўртасида спорт мусобақалари уюштирилди. Яшнобод туман маданият бўлими ҳамда 19-сонли мусиқа ва санъат мактаби тарбияланувчилари ҳамкорлигида намойиш этилган бадиий дастур тадбирга янада файз бағишлади.
Мусобақалар якунида туман ҳокими ўринбосари, хотин-қизлар қўмитаси раиси Феруза Раҳматуллаева ҳамда ташкилотчилар ғолиб ва совриндорларга дипломларни топширди.
Байрамда туманнинг “Уйсозлар”, “Ўрта масжид” маҳаллалари вакиллари иштирок этишди.
Манба: www.yashnobodnews.uz