Тошкент вилояти Қибрай туманининг 2107,4 гектар ер майдони Тошкент шаҳрининг Яшнобод тумани таркибига ўтган бўлиб, айни вақтда мазкур ҳудудларда ободонлаштириш ишлари бажарилмоқда.
Мана бир неча кундирки Тошкент вилоятининг Қибрай туманинидан Тошкент шаҳрининг Яшнобод туманига қўшилган 8 та маҳаллада ободонлаштириш ишлари олиб борилмоқда.
Бугун катта кучлар жалб қилиниб, маҳалладаги йўлларни текислаш, чиқиндилардан тозалаш, электр тармоқларидаги камчиликларни бартараф этиш каби ишлар амалга оширилди.
Яқин вақт ичида кўчалар асфальт қилинади ва эскирган сув қувурлари янгисига алмаштирилади.