ЎзМТДПдан сайланган Яшнобод туман Кенгаши депутатлари ташаббуси билан тумандаги 52-сонли жисмоний имконияти чекланган болалар учун мўлжалланган махсус мактабда соғломлаштиришга бағишланган спорт ва хайрия тадбири бўлиб ўтди.
Мазкур тадбирдан мақсад мактабда ўқувчи-ёшларни жисмоний фаолликка ва соғлом турмуш тарзига ўргатиш, мунтазам равишда спорт билан шуғулланишлари, ўғил-қизларнинг келгусида паралимпия ўйинларида иштирок этишига умид бағишлашга қаратилди.
Шу ўринда, депутатлар ёш авлод вакилларини жисмоний тарбия ва оммавий спортга қизиқтиришда, уларни ҳар томонлама етук ва салоҳиятли, баркамол этиб тарбиялашда ўзининг кўп йиллик меҳнатини аямаётган мактаб директори Раъно Хамралиева ва унинг аҳил жамоасига ўз миннатдорчилигини билдириб, тадбир иштирокчиларига ўзларининг махсус эсдалик совғаларини топширишди.
Манба: www.yashnobodnews.uz