Пойтахтимизнинг Яшнобод туманидаги Банд бўлмаган аҳолига хизмат кўрсатувчи “Ишга марҳамат!” мономарказида ўнта касб йўналиши бўйича UZBEKISTAN SKILLS биринчи очиқ чемпионати бошланди. Унда ҳамюртларимиз билан биргаликда Россия ва Қозоғистон давлатларидан келган иштирокчилар қатнашяпти.
Нуфузли тадбирнинг тантанали очилиш маросиминини Ўзбекистон Республикаси Бандлик ва меҳнат муносабатлари вазирининг биринчи ўринбосари Эркин Муҳиддинов кириш сўзи билан бошлаб берди.
Шундан сўнг WorldSkills International ассоциацияси президенти Йос де Гой ҳамда Ўзбекистон Республикаси Молия вазири Жамшид Қўчқоров ўтказилаётган чемпионатнинг аҳамияти, мамлакатимиз вакилларининг WorldSkills International ассоциациясига аъзо бўлишининг муҳим жиҳатларига тўхталиб ўтди. Шунингдек, иштирокчиларга муваффақият тилаб, чемпионатга старт берди.
Мусобақа қатнашчилари электромонтаж, қуруқ қурилиш ва сувоқчилик, сантехника ва иситиш тизими, сартарошлик, ошпазлик, ресторан хизмати, меҳмонхона хўжалиги, бизнесс учун дастурлар, модалар технологияси ҳамда пайвандлаш технологияси касбий йўналишлари бўйича ўз маҳоратларини намойиш этишмоқда.
Чемпионатда 17 — 25 ёшли коллежлар ўқувчилари иштирокчи сифатида қатнашаётган бўлсалар, ўн нафардан ортиқ халқаро экспертлар ва ҳакамлар ҳайъати улар иштирокини кзатиб боришяпти.
Манба: www.yashnobodnews.uz