Ижтимоий тармоқларда Яшнобод тумани “Моҳинур” маҳалласида яшаб, кейинчалик Бектемир тумани “Абай” маҳалласига, онасиникига кўчиб келган Шахруза исмли ёлғиз аёл “Аёллар дафтари”га киритилгани, туман ҳокимининг тавсияси билан касб-ҳунарга ўқиб, қандолатчилик бўйича сертификат ҳам олгани аммо ҳозирда ишга жойлаша олмаётгани, болалар нафақаси олиш учун икки маҳалла орасида қатнаб сарсон бўлаётгани ҳақида хабар тарқалган эди.
Яшнобод туман ҳокимлиги Ахборот хизмати қуйидагиларни маълум қилади:
Турсунова Шахруза Камиловна Тошкент шаҳар Яшнобод тумани “Мохинур” МФЙ Тузел 3- даҳа 80Б- уй 61-хонадонда ота онаси икки нафар укаси келини ва фарзанди билан бирга яшаган. Хозирда унинг бир нафар фарзанди борлиги ва ёлғиз она эканлиги аниқланган.
Турсунова Шахруза Камиловна “Мохинур” МФЙ 4-босқич “Аёллар дафтари”нинг “1-ижтимоий ҳимояга муҳтож ишсиз хотин қизлар” рўйхатига киритилган. “Мохинур” МФЙ ҳудудида яшаб келган даврида байрам кунлари озиқ-овқат маҳсулотлари билан таъминланган, 2023-йил январь ойида фарзанди учун “Президент янги йил совғаси “ берилган. 2023-йилнинг 31-май куни “Болалар куни” муносабати билан “Ашхабод” сайлгоҳида ҳамда 1-июнь куни ёш болалар учун ташкил этилган театрлаштирилган мюзиклга бепул чипталар берилган.
2023-йил март ойида Фарзандининг соғлиғини тиклаш учун бепул анализ муолажалари ўтказилган. Фуқаро ижтимоий ҳимоя Ягона Реестрига киритилган ва болалар нафақаси билан таъминланган.
Турсунова Шахруза Камиловнага бир неча бор бўш иш ўрунлари таклиф этилган аммо фуқаронинг ўзи рад этган.
“Мохинур” МФЙ хоким ёрдамчиси тавсияномаси билан Ишга марҳамат МОНОМАРКАЗида 01.08.2023-10.10.2023 икки ойлик қандолатчилик курсда имтиёзли стипендия асосида ўқитилди.
2023-йил август ойида Турсунова Шахруза Камиловна “Мохинур” МФЙ ҳудудидаги уйларини сотиб, Бектемир тумани “Катта ариқ” кўчаси 75А кўчиб кетган.
Турсунова Шахруза Камиловна Субсидия Асосида Электро печ ва музлаткич сўраб мурожаат қилган.
Ўзбекистон Республикаси Вазирлар Маҳкамасининг 2022-йил 11-майдаги №252-сонли қарорига асосан , “фуқарога субсидия ажратиш бўйича тавсия беришни сўраб ўзининг доимий яшаш манзилидаги хоким ёрдамчисига ёки “Онлайн маҳалла” электрон платформаси орқали мурожаат қилиш мумкин”, деб кўрсатилган.
Фуқаро Турсунова Шахруза Камиловна 2023-йил август ойида, Бектемир тумани “Абай” МФЙ Катта ариқ кўчаси 75А уйга кўчиб кетганлиги сабабли, яшаб турган манзилидаги МФЙ ходимларига мурожаат қилиши қонунга мувофиқ бўлишини тасдиқлаймиз.