7 апрель куни “Порлоқ келажакка қадам – менинг маҳаллам билан!” шиори остида ҳарбий-ватанпарварлик, маданий-маърифий ва спорт тадбири Яшнобод туманининг “Чинор” маҳалласида ўтказилди.
Тадбирда “Лазги” ашула ва рақс ансамблининг чиқишлари йиғилганларга кўтаринки кайфият улашди.
Шунингдек, туман маънавият-марифат маркази томонидан ёшларни китобхонликка қизиқтириш мақсадида китобхонлик кўргазмалари ташкил этилди.
Спорт мусобақалари ҳам ёшларга ўзгача завқ бағишлади.
“Порлоқ келажакка қадам – менинг маҳаллам билан!” шиори остидаги тадбирлар апрель ва май ойларида ўтказилиши белгиланган.