“Ёшларни қўллаб-қувватлаш ва аҳоли саломатлигини мустаҳкамлаш йили”да Яшнобод туманида ҳар икки йўналишда амалий ишлар қилинмоқда. Хусусан, сектор раҳбарлари мунтазам туман ёшлари билан қабуллар ўтказиб, уларни қийнаб келаётган муаммоларни ўрганган ҳолда ёшларга ёрдам беришмоқда.
Бугун бўлиб ўтган қабулда ёшлар ишга жойлашиш, тадбиркорлик фаолиятини бошлаш учун кредит олиш, касб-хуранга ўқитиш сингари масалалар билан сектор раҳбарларига юзланишди.
Шу куни 14 нафар ёшнинг масаласи ижобий ҳал қилинди. Хусусан, ёшлардан етти нафарига касб-хунарга ўқиш учун йўлланма берилди. Яна уч нафар ёшнинг бандлиги таъминланган бўлса, тўрт нафар ёшга тадбиркорликни бошлаш учун кредит олишда амалий ёрдам кўрсатилди.
Шунингдек, уч нафар ёшнинг масаласи юзасидан ҳуқуқий тушунтириш берилди.