🗓Жорий йилнинг 9 июн кини Ўзбекистон Республикаси Мудофаасига кўмаклашувчи “Ватанпарвар” ташкилотининг Яшнобод туман ўқув-спорт техника клуби, туман Халқ таълими бўлими ҳамда қатор ташкилотлар билан ҳамкорликда “Ватанпарвар” – менинг танловим” шиори остида тадбир бўлиб ўтди.
❇️ Тумандаги 155-сонли Давлат ихтисослаштирилган умумтаълим мактаби қошида ташкил етилган соғломлаштириш оромгоҳида бўлиб ўтган тадбир ёшларни ҳарбий-ватанпарварлик руҳида тарбиялаш, улар орасида спортнинг техник ва амалий турларини оммалаштириш мақсадларини ўз ичига олди.
🚏 Тадбир давомида оромгоҳда дам олаётган ўсмир-ёшлар ўқ отиш, авиа ва ракета моделизм спорт турлари, ўқув автомобиллари ҳамда спорт секциялари кўргазмалари билан яқиндан танишишди.