✅ Жорий йилнинг 18 сентябрь куни Яшнобод тумани ҳокимлиги Матбуот хизмати томонидан «Маърифат» маҳалласи кўчаларида алфальтлаш ва таъмирлаш жараёнлари олиб борилаётганлиги ҳақида хабар берилган эди.
✅ Шу билан бир қаторда ижтимоий тармоқларда “Маърифат” маҳалласи кўчаларини таъмирланиши кечикаётгани тўғрисидаги хабарларга жавобан асфальтлаштириш ишлари сентябрь ойи охирига етмай тугалланганлиги ҳақида ҳам ахборот берилган эди.
✅ Бироқ 7 октябрь куни Ўзбекистон телерадиокомпанияси “Ёшлар” телеканали ахборот дастурининг соат 19:00даги сонида, ушбу масалага яна бир бор қайитилган бўлиб, якунланиб бораётган йилнинг сентябрь ойида ўз ечимини топган масала журналист Ирода Валижонова томонидан яна кўтарилган ва маҳаллада яшовчи фуқаролардан интервьюр олинган. Лавҳада намойиш этилган тасвирларда янги таъмирланган йўллар ҳам кўрсатиб ўтилган. Аммо журналист ижобий ишларга эътибор қаратмай, 2022 йил охиригача Яшнобод ҳокимлиги томонидан бажарилиши режалаштирилган ишларга ечим топилмаётган муаммо сифатида кўтариб чиққан.
✅ Айни пайтда туманнинг «Маърифат»маҳалласида умумий майдони 11.770 кв.м бўлган йўлга асфальт ётқизилган. Қолган 4.230 кв.м.га яқин худудда эса таъмирлаш ишларини бошлаш учун тайёргарлик кўрилмоқда.
Таъмирлаш жараёнининг кечикишига эса айни кунларда мамлакатимизда хукум сураётган нам ҳаво сабаб бўлмоқда.
Айтиш жоизки кун давомида ёмғир ёғиши натижасида намланган ернинг асфальт ётқизиш мумкин бўлган даражада қуриши учун 5 кун вақт керак бўлади.
Шу ўринда журналистлар, жумладан “Ёшлар” телеканали ижодкорларидан ҳар қандай маълумотни ёритишда расмий идора, хусусан Яшнобод тумани ҳокимлиги Матбуот хизмати билан боғланишлари, ўзларини қизиқтирган саволларга жавоб ва расмий маълумот олишлари имкони мавжудлигини унутмасликларини сўраб қоламиз.
Зеро шошма шошарлик билан ёритилган хабар халқ хизматида меҳнат қилаётган инсонларнинг меҳнатларини қадрламаслик билан баробардир.