Facebook ижтимоий тармоғида Яшнобод тумани М.Риёзий кўчасида жойлашган кўп қаватли уйлар атрофидаги ички кўчаларнинг таъмирталаб ҳолатда эканлиги борасида мурожаат жойлаштирилган эди.
Ушбу масала юзасидан қуйидагиларни маълум қиламиз:
“Golden House” компаниясига қарашли кўп қаватли уйларга электр энергияси, ичимлик суви ва оқова сув тармоқларини улаш мақсадида қазиш ишлари олиб борилган. Ёғингарчилик мавсуми бошланганлиги сабабли, асфальт қилиш ишлари тўхтатилган. Ҳозирги кунда мурожаатда кўрсатилган жойларга асфальт қопламаси ётқизилган ва муаммо бартараф этилган.
Шунингдек, қурилиш ишлари октябрь ойигача давом этиши сабабли, юк машиналари кириб чиқадиган йўлларга, шу жойда яшовчи фуқаролар таклифига асосан шағал тўкилган. Қурилиш ишлари тўлиқ тугатилгандан сўнг шағал тўкилган жойларга ҳам асфальт қопламаси ётқизилади
