Шу кунларда Олий Мажлис Қонунчилик палатаси ҳамда маҳаллий кенгашлар депутатлигига кўрсатилган номзодларнинг сайловчилар билан учрашувлари бўлиб ўтмоқда.
Куни кеча Яшнобод туманидаги 143-Саноат сайлов округидан Олий Мажлис Қонунчилик палатаси депутатлигига Ўзбекистон “Адолат” социал-демократик партиясидан кўрсатилган номзод Муаттархон Абдуллаева “Тошкент ёғ-мой комбинати” акционерлик жамиятида сайловчилар билан учрашув ўтказди.
Дастлаб тадбирда номзоднинг ишончли вакиллари Боқи Алихонов ҳамда Қундуз Сайдалиевалар йиғилганларга Муаттархон Абдуллаеванинг таржимаи ҳоли, меҳнат фаолияти ҳақида батафсил ахборот беришди.
Шундан сўнг, номзод йиғилганларни ўзининг Сайловолди дастури билан таништириб, Ўзбекистон “Адолат” социал-демократик партиясининг беш йилга мўлжалланган энг муҳим мақсад ва вазифалари ҳақида гапириб берди.
Учрашувда иштирокчилар партия фаолияти ва бўлажак сайлов билан боғлиқ саволларига жавоблар олди.
Шунингдек, номзод Муаттархон Абдуллаева тумандаги 30-сонли мактабда жойлашган 461-сайлов участкасига ташриф буюрди. Бу ерда сайловчилар билан ўтказилган учрашув самимий ва ошкора мулоқот тарзида кечди.
Манба: www.yashnobodnews.uz