Муаммони ечими ҳал этиш ишлари бошланган
Куни кеча Тошкент шаҳар Яшнобод тумани Олмос МФЙ кўчаларида бир неча йиллардан буён ичимлик суви йўқлиги ва йўллар таъмирлашга муҳтожлиги тўғрисида “Миллий” телеканалда кўрсатув эфирга узатилди.
20 сентябрь куни Яшнобод тумани ҳокими Б.Т.Рахманкулов бошчилигидаги мутасадди ходимлар айнан бу ва бошқа муаммоларни жойида бориб ўргангани ва пудратчи ташкилотга уларни ҳал этиш учун топшириқ бергани ҳақида хабар берилган эди. Кўрсатув эфирга кетгач, Яшнобод туман ҳокимлиги масъулларидан бири вазиятга изоҳ берди. Унинг айтишича, йўлларни таъмирлаш ва ичимлик суви муаммосини ҳал этиш бўйича иш бошланганига бир ой бўлган, ҳозирга қадар 200 метр ичимлик суви трубаси ётқизилган ва яна 400 метр труба ётқизиш керак, умумий иш ҳажми эса 20 кунларда битиши режага киритилган.
